Eoullivadur arouezel ha loened

Geneliezh 9 :2

Taolenn Livadur Arouezel : Gwallreuz oberoù an dud | Gwenanenn ha Geneliezh

Dastumad "APIS" - Eoul war lien n°9

Gant Théodore Monod, naturelour ha denelour meur, aet da Anaon tremen 20 vloaz'zo, eo on bet awenet. Tamall a rae dija drougimplijoù oberezezh mab-den, dreist-holl war bed al loened, hag an heuliadoù drastus anezhañ. Hag eñ kristen gredus e roas din da c'houzout da-geñver un atersadenn e oa skrivet en un destenn eus ar C'heneliezh : "Bez' e vo ac'hanoc'h danvez doujañs ha spont evit holl loened an dour...".

Fromus eo e savfe hevelep arroudenn da amzerioù ken kozh. Evel pa vije eus an distrujerezh ul lodenn eus hon hêrezh.

Kontañ a ran marv ur wenanenn a oa douaret ur wenanenn all en he c'hichen, deuet d'he flourañ dousik gant he zastornell. Ur jestr stañv hag eeun a seblant deomp dreist diraez a-wechoù. Teñval eo an daolenn, skuilhet ez eus gwad, skilfet eo ar gorre, bloñset, hogen dreistbevañ a ra ar wenanenn, er gouloù, hi ivez.